एउटै जंगलमा मिलेर अटाइरहेछन् रुखहरु
मान्छेलाइ बाँच्ने कला सिकाइरहेछन् रुखहरु
मिच्नै खोज्ने सधै हडप्न खोज्ने मुखियाजस्ता
बनमारा झारको कथा सुनाइरहेछन् रुखहरु
आयतन फरक छ प्रत्येकको उचाई फरक छ
तर किन एउटै बतास पठाइरहेछन् रुखहरु ?
आधि तुफान धेरै आयो उनीहरुको जिन्दगीमा
आफ्नो स्थान भने सधै जोगाइरहेछन् रुखहरु
एउटा बाउले बच्चालाई खेलाए जस्तै गरेर
छातीमाथि हामीलाई हिडाइरहेछन् रुखहरु
© अर्जुन 'दृष्टी' पौडेल
0 comments:
Post a Comment