जीतु खड्का गाँउले (अर्जुन दृष्‍टि)

जीतु खड्का गाँउले 
मोरंग उर्लाबारी हाल साउदी अरब

लाए पछी निसाना नचुक्नु नै अर्जुन दृष्‍टि

 चोट लाग्दा मुटुमा नदुख्नु नै अर्जुन दृष्‍टि||

साहित्यको खोजमा गाँउ गल्लि गोरेटोमा

सृजिएका सृजना नलुक्नु नै अर्जुन दृष्‍टि ||

दुनियाँको आँखामा चम्किरहोस वीर गोर्खाली

स्वाभिमानी नेपाली नझुक्नु नै अर्जुन दृष्‍टि ||

साहित्यका कपिला ई फूल्छन भोलि अवस्य

सृजनाका ती मूल नसुक्नु नै अर्जुन दृष्टि||

आकाश तिर फर्केर किन थुक्नु हुन्छ हजुर

पर्छ छिटा मुखमा नथुक्नु नै अर्जुन दृष्टि||